د ياسر الشريف مصري حر 🇪🇬

 

مصرى حُر

إلحس كلامك مره ومره وكمان مَره

العيشه معاك بصراحة بقت قوى مُره

صابرين عليك وما صَدقتنا ولا مَره

ومحسسنا انك عايش خارج المجره 

وإحنا كمان فِ مَجره وكل خيرنا لبَره

وكلنا بقينا أشباح بين كل البلاد عِبره

والمرار بقى طافح والفاسدين كلهم عندنا خِبره

وعيون مكسورة ونفوس محصورة وقلوب صابره

♻️

و سواد الأيام بقي جميل قوى ف عينيه

عشان أشوف خِزي و عار كل المِطبلاتيه

أهل النفاق و الرياء و الطبطبه و المداديه

اللي طبلوا للفاسدين والظالمين  والحراميه

اللي باعوا ضميرهم و نفوسهم و الهويه

اللي إستخبوا في قلب الجحور الدَنيه

أستحبوا المال الحرام قالوا رزق الله و عَطيه

أنكشف سترهم وعلمنا أنهم كانوا للفَسدَه مَطيه

أنا ثابت على الحق و لن أبيع يوما تلك القضيه

أنا الفلاح أنا الصعيدى أنا المصرى الحُر إبن بَهية

د.ياسر الشريف 🇪🇬