ملفات خطره الماسونية الجزء الثالث
كتب محمد مختار 🇪🇬
الثلاثاء 2026/6/23
ندخل بقي على نقطة مهمة جدا
قبول الاعضاء فى الأول لازم نفرق بين اختيار الاعضاء فى البداية واختيار الاعضاء فى الماسونية الحديثة فى البداية كان بيتم اختيار الاعضاء عن طريق الثروة والقدرة على محاربة اتباع المسيح او سيدنا محمد فى الماسونية الحديثة
بيتم بناء علي شروط معينة تخدم الأهداف المختلفة للتنظيم وفي كل الأزمان من البداية للان يمكن للفرد الانضمام لهم برغبة شخصية منه
لكن لازم ينال موفقة وتذكية من الاعضاء يعنى مش زى ما معروف أن محدش ينفع ينضم لهم بمزاحه
طب بيحصل ايه بقي عشان الفرد يبقي عضو فى التنظيم طبقا للمصادر الموثوقة فأن ما يحدث كالتالي فى البداية ومن بداية التأسيس كان فى كل محفل مكان سري واسع جدا والسعة دى مطلوبة عشان المراسم والاختبارات اللى هيتم عملها للعضو أو المترقي لدرجه اعلي وكان لازم المكان ده اللى يدخله يحس فورا بقدم التنظيم
عشان كده اول حاجة حطوها فى حجرة القبول عمودين ضخمين
بوعز وجاكين اللى بيدعوا أنهم العمودين اللى نصبهم الملك سليمان فى الهيكل ومش بس كده لا دا هيقولوا أن الملك سليمان هو اللى خد فكرة العمودين من أجدادهم واجداد أجدادهم عشان الناس تفهم أن التنظيم ضارب فى القدم بتاريخ غير معلوم اعتمدوا أن تكون القواعد والدرجات والنهج هو سخرية ميطنه للمسيح طبقا لأغلب الروايات عشان كده خلوا افتتاح الجلسة أو المجلس أو خطوات القبول ب 3 ضربات بالمطرقة وبداية خطوات العضو داخل غرفة القبول والاختبار 3 خطوات وفى إشارة إلى المسامير التى ضربت جسد المسيح عند صلبة كمان يدعون كمان حطوا ادوات من اتقال أنها استخدمت فى بناء الهيكل زى الزاوية والفرجارالرجل المعلقة الكوريك الفاس وغيرهم من الأدوات المصنوعة من الخشب وكمان رموز الشمس والقمر شعائر القبول
بيجى طالب الانضمام فى وقت محدد له بيدخل اوضه ضلمة جدا
الاوضه مليانه هياكل عظمية وحماجم وحيات نحاسية بيسموها غرفة التأمل يقلع الطالب كل هدومه ويحط كل متعلقاته فى وعاء إشارة للتخلص من اغراض الدنيا ويتعري دراعه اليمين صدره الشمال وركبته اليمين وهو واقف فى الضلمة دى بيكون معاه مرشد المرشد ده بيسحبة ويقف عند باب ويخب عليه ويقول المرشد معى طالب يريد الدخول الى النور يريد الرئيس من الداخل الرئيس هل تطلب النور الماسوني الطالب نعم
يكرر الرئيس هل ما زلت مصرا على طلب النور الماسونى الطالب نعم
هنا المرشد اللى معه بيحط على عينة قطعة قماش بيغميه ويحط فى رقبته حبل زى طوق المشنقة
ويهبط على باب الغرفة المؤدى لغرفة القبول خبطة شديدة يرد حارس الباب الداخلي من الطارق
المرشد طالب فقير فى حالة الظلام وسبق وطلب انضمامه الماسونية
القوة الخفية قديما مختارا وهو الان قادم لاكتساب النور من هذا المحفل الموقر الحارس الداخلي وبما يأمل هذا المرشد بطيب السيرة وحرية النسب بعدها يروح الحارس الداخلي للرئيس يستأذن منه دخول الطالب
فيوافق فيفتح الحارس الداخلى الباب يدخل الطالب يستقبله اتنين واحد عن يمينه واخر عن شماله
ويخدوه فى جولة فى طرق وعرة ومنحدرات وصخور وبرك كل ده جوه القاعة مش قولتلكم لازم تبقي واسعة جدا وكل ما يجى يقع الاتنين يلحقوه رمز للاخوه والدعم وكل مرة يعدى من قدام الرئيس الرئيس يسأل من هذا وبما يأمل
المرشد طيب السيرة وحرية النسب
لحد ما يعدى فمرة فالرئيس يسأل والمرشد يخيب لكن هنا يرد الرئيس
مر يا حر النسب هنا بقي يخلص اللف فى القاعة ويخدوا الطالب يوقفوه بين العمودين ويفضل الرئيس يسأله فى اسىلة كتير
ولما تخلص الأسئلة
الرئيس انت قادم على امتحان شديد سوف تقسم على الكتاب المقدس التوراه لأنهم زمان مكنوش بيقبلوا غير اليهود لكن فيما بعد فى البداية بيقسم كل عضو على الكتاب الخاص به انجيل كان أو مصحف بشرفك بزمتك و توقع بمداد من دمك فهل لازلت مصرا على الانضمام لديك فرصة للتفكير .ولك وقت تسطيع فيه الانسحاب قبل أداء القسم طبعا الطالب بيصر على الانضمام هنا بقي بيشربوه من كأسين ماء حلو الاول بعدها ماء مر
واول ما يظهر عليه القرف أو الضيق
الرئيس يقوله حياة الإنسان فيها المر فلازم ترضي عشان تكون سعيد
يطلب الرئيس مسح ايد الطالب بالتراب ويقعد على ركبته الشمال وتكون رحلة اليمين عاملة زاوية قائمة استعداد للقسم ويده على كتابة المقدس كل ده وهو لسه متغمى العين
الرئيس لقد طال مكوثك فى الظلام والجمعية التى تحاول الانتساب إليها قد تكلفك اخر قطرة من دمك فهل لاتزال مصرا على الانتساب
الطالب نعم الرئيس ماذا تتمني الان
الطالب النورالرئيس ليعط النور
تكشف الغمامة عن عينة يلاقي قدام عينه أطراف سيوف مسنونه موجهة برقبته ووشه والرئيس بيقوله
الرئيس السيوف دى للدفاع عنك فى أي وقت لكنها موجوده لفصل رقبتك لو هنا والحبل اللى على رقبتك دا لختقك إذا بدأت منك حركة تدل على الغدر أو الفرار من دقيقة كنت غريب هنا لكن دلوقتى بقيت منا..لك ما لنا وعليك ما علينا يبدأ بعدها العضو فى القسم
انا فلان بن فلان اقسم بين يدى الله العلي القدير خالق الكون الاعظم واتعهد بارادتى واختيارى أن اصونواكتم الاسرار والرموز التى تباح لي الآن أو فيما بعد وان لا ابوح بها لأحد الا للاخ الصادق والمحفل العادل التام المنظم بعد الدقة والاختبار والامتحان بأنه أهل للثقة واتعهد أن لا اكتب تلك الأسرار ولا اطبعها ولا احفرها أو انقشها الى اخر القسم الطويل الذى فى نهايته
واذا حنثت يمينى بهذا اكون مستحقا ضرب عنقي وشل لسانى فأعنى يا الهي القادر وامنحنى الثبات مدى الحياة على حفظ هذا القسم الذى صدر عنى بدرجة المبتدئ ومن اللحظة دى كانه اتولد من حدبد واللى فات من عمره كان لم يكن عشان كده الماسونى لا يسأل كم درجتك بل كم عمرك
طب هو كان فى مصر محفل ماسونى طب كان فيه غرف سرية كبيرة كده طب هل كانت بتم فيه نفس الطقوس طب كان مكانه فين
طب مين أعضاءه لو تعرف جاوب
أو استنى الحلقة الجاية باجابات هتصدمك
تتبع
0 تعليقات