الخبير العسكري اللواء سامي دنيا و تفاصيل اجتماع المخابرات وتحليل الموقف..حصريا

  تفاصيل اجتماع مديرى المخابرات المصرية الموقف على الارض فى الاقليم 

الخبير العسكري اللواء سامي دنيا 🇪🇬 

 غزه : بيان واضح من وزارة الخارجيه

ومصر تعلم ان الحرب الاعلاميه تتصاعد حاليا لاقتراب اجتماعات الأمم المتحده التى ستشهد اعتراف دول جديده بدولة فلسطين منها دول أوروبيه ..واكد البيان ان موقف مصر وخطوطها الحمراء لم ولن تتغير ولن تشترك مصر بأى صوره فى تهجير الشعب الفلسطينى وأكد البيان بوضوح ان كل مايحدث فردى ولمصالح شخصيه (( لنتنياهو)) الذى لايريد وقف اى صراع حرصا على مصالحه الشخصيه وكالمعتاد دققت مصر وأكدت وتوضح للعالم كله ان الامم المتحده ومجلس الأمن الدولى والقانون والاعراف الدوليه (( كلها اصبحت مالهاش اى لزمه)) تكريسا لخطاب عالمى يؤسس للتحول لنظام عالمى جديد

  ===== ليبيا والسودان: فى لقاء مهم تم واعلن عنه للقاء بين رئيسى اجهزة المخابرات المصريه والتركيه== مصر قالت عن غزه وليبيا والسودان ذكرت الثلاث دول دى بدقه 

== غزه ببساطه كلنا عارفين فى الاف الاتراك بيحاربوا مع جيش إسرائيل (( اذا اى تصريحات تركيه عن غزه اعتبروها زى القطريه زى المغربيه )) يعنى تجاهلوها من الاساس عشان كلها كدب فى كدب بيحاربوا مع إسرائيل وبيدعموها بكل الطرق ويرجعوا يصرحوا انهم مع الفلسطينيين وبيدعموا إسرائيل بكل الطرق بما فيها مهاجمة مصر سياسيا واعلاميا (( عادى يعنى قمة القذاره)) == اللقاء اساسه ليبيا لو فاكرين من كام يوم فى ضربه تمت فى مصراته وطبعا فيها خساير تركيه واحنا حبايب واصدقاء وكل حاجه (( مصر قالت اسحبوا العسكريين الاتراك وتركيا قالت حاضر ))

مصر قالت وقفوا تدفق المرتزقه وتركيا قالت حاضر …حوار رؤساء المخابرات بيكون دقيق مفيش فيه تحوير لانه بالصوت والصوره (( قبل كده كانوا بيقولوا مش احنا دى اميركا اللى بتبعت)) الضربه فى مصراته بتكون خطوه عمليه بعدها لازم بيكون فى لقاء على اعلى مستوى ينظم الامور لان ببساطه تركيا مش هتقدر تحميهم فى ليبيا ==السودان : 

فى السودان الوضع مختلف بياخد البرهان طيران مسير بيتم توفيره للجيش السودانى من مصادر كتير منها ايران وتركيا …ايران ملتزمه بتمد جيش السودان بس طبقا للاتفاق مع مصر تركيا طبعا قذره كالمعتاد بتمد جيش السودان وكمان بتبيع لحميدتى وميليشياته المرتزقه(( قفلنا الباب ده خلاص هيمدوا جيش السودان فقط  عن طريق مصر ))

واعتبروا كل الخطوات المستمره فى ليبيا والسودان تثبيت ميزان القوه لصالح الجبهه السليمه والشرعية والمؤتمنه لكلا الدولتين اللى بيمثلوا اهم دوائر الأمن القومى المصرى بالاضافه لغزه طبعا ولكن الموقف فى غزه مختلف جذريا ===سوريا طبعا كل ساعه وثانيه فى جديد : بنعتبر انه جديد ولكن قديم شرحناه بالتفصيل اى خطوات فى سوريا مش هتخرج عن اللى كررناه شرعنة نظام الجولانى الارهابى لصالح تمرير اتفاقيات ستعتبر رسميه دوليا بتقسيم وتفتيت سوريا التى تسير فيه بسرعة البرق طيب سوريا هتتقسم ولا اتقسمت خلاص ؟؟؟ لا كل ده هيفشل ومش هينجح هيحصل ظاهريا لكن عمليا مش هيتم (( وسجلوا ده علي تقريرنا هنا )) والعراق عندكم مثال حى حاولوا وعملوا المستحيل لكن فشلوا والعراق بيستعيد قوته تانى حتى لو ببطئ …طيب ايه الجديد القديم : ==الهاجرى وده من اكبر اقطاب الدروز فى سوريا تحديدا فى السويداء خرج رسميا طالب بإلانفصال وان يكون الدروز كيان مستقل وده اللى كان طلب حماية وتدخل إسرائيل ….مش بس كده ده طلب تفعيل حق الدروز فى تقرير المصير يعنى عايز استفتاء على الانفصال عن سوريا 

(( وهيا منفصله بالفعل من مؤامرة ٢٠١١م ))

عمليا منفصله شكلا ومضمونا وطبعا قبلها الاكراد وغيرها من الفصائل =====لبنان : 

المنفعه القذره المتبادله بين إسرائيل وحزب الله (( اه بجد جيم وماتش متكرر زى حماس كده وإسرائيل )) رئيس لبنان الجديد قال السلاح فى ايد الدوله ونزع سلاح حزب الله (( الحزب رحب بشرط بسط الجيش سيطرته على لبنان وانسحاب إسرائيل تماما من لبنان ))

إسرائيل انسحبت وفضلت فى خمس نقط صغيره جدا فحزب الله قال شوفتوا اهى إسرائيل منسحبتش لا هتنسحب بس سلموا سلاحكم راحت إسرائيل شغاله ليها اسبوع غارات وضربات فى كل لبنان (( يعنى بيخلقوا حالة عدم استقرار داخلى بلبنان))مش عايزين ننسى ان إسرائيل من الاساس متعرضتش للبنان وحزب الله منفردا دون اى قرار من دولة لبنان اللى هيا دوله اسما وليست دوله واقعا

= كل ضربات حزب الله كانت هيكليه مالهاش اى لزمه رغم اغتيال كل قادته والالاف من قواته

== وبعد كده طواعية دون اى قتال على الارض انسحب وسلم جنوب لبنان كله للجيش الاسرائيلى دون قتال…مش ملاحظين برضوا ان ده اللى تم فى سوريا ؟؟ تنظيم الجولانى وقعها وإسرائيل احتلت اراضى سوريا وبتتحرك بكل حريه دون قتال او مقاومه ؟؟؟ طيب مش شايفين ان ده برضوا اللى بيحصل فى غزه ؟؟؟

حماس عملت خدعة ٧ اكتوبر بعدها دخلت إسرائيل مسحت قطاع غزه وبهدلت الضفه وتكاد تكون دون اى مقاومه من حماس تذكر وحتى الآن مشكلة الجيش الإسرائيلي فى غزه هما الاتنين مليون فلسطينى العزل : 

= مهما ابادوا فيهم مش هيخلصوا ومش عارفين يطلعوهم ازاى من ارض غزه 

== لكن سوريا هما مش عايزين يمشوا حد 

== ولبنان كذلك مش عايزين يمشوا حد 

== اما مستقبلا يحبوا يمشوا حد من لبنان او سوريا عادى هيمشوهم  وتصريحات منسوبه لنتنياهو كلها عن معبر رفح ولكن مش عن مصر (( يعنى مش بيتكلموا على استقبال مصر لاهل غزه ولا توطينهم فى سيناء ولاتوطينهم فى مصر )) الكلام بس نفتح ومن مطار وميناء العريش يتهجروا على وجهاتهم من الدول المختلفه (( يعنى مش عارفين ولاقادرين يطلعوا الفلسطينيين من الاساس ))ولا عالميا فى دوله عايزه تستقبلهم عشان متدخلش فى مشاكل مستقبلا كبيره جدا وتكون شريكه فى الجريمه دى ببساطه لاتسقط الدول بالحروب ولكن تسقط الدول بالخيانه (( والحقيقه منطقة الشرق الأوسط مشهوره اوى بالخيانه والتآمر وعدم الشرف ))===ترامب (( بعد ماخد حقنتين وفاق شويه مش أوى يعنى ... وشه وعنيه منتفخين لسه جدا وكمان بيتكلم بهدوء وبصوت مش عالى وطبعا اختاروا التصريحات وهو قاعد خلف مكتبه وطول الوقت ساند جسمه بإيديه الاتنين ))كده وصفنا بدقه لغة جسد ترامب ننسى اسم ترامب ونركز فى التصريحات لأنها كلها تخص أميركا كمؤسسات ودوله ==== ===أميركا : 

مبدئيا عشان ميكنش كلام غير حقيقى او هزلى ووهمى وبنضحك بيه عليكم  وعلى وعيكم

أميركا  أقوى دوله فى العالم سياسيا وعسكريا واقتصاديا كانت مهيمنه بشكل مطلق وحاليا اصبحت غير مهيمنه وفقدت الكثير جدا من نفوذها وهيمنتها: ازاى فقدت نفوذها وهيمنتها ؟؟؟ :== مقدرتش تعمل اى شئ مع روسيا ولاحتى مع ايران ولا حتى مع مصر على فكره ولا مع المكسيك ولا البرازيل ولا اوروبا ولا الصين ولا الهند ولا حتى دولة بنما الضعيفه جدا ولا الدنمارك وكلنا شوفنا التصريحات الناريه فى بداية حكم ترامب هنحتل جزيرة الدنمارك وهنحتل قناة بنما وهنحتل خليج المكسيك وهوقف الحروب فى ايام بسيطه ومليون الف ضعف فى الرسوم الجمركيه وهنهزم الصين وأوروبا لازم تتدفع وغيرها كتير جدا (( تصريحات معملش منها عشره فى الميه حتى)) اللى استجاب فقط الدول مسلوبة الاراده الضعيفه والمهترئه والمسيطر عليها اللى دفعوا تريليونات على الفاضى حبيبنا بتوع الحليب العربي….حتى الاردن اما اتحامى ملك الاردن فى مصر ترامب مقدرش يلمسها ده السودان وليبيا يااصدقائى واثيوبيا مقدرش ينفذ فيهم كلمه ولاحرف ووقفنا كل ده 

(( رغم ان مصر بلا اى جدال مش فى قوة اميركا ))ولاحتى بأى نسبه تذكر عشان نكون واقعيين ومش بنتكلم كلام مرسل وخلاص

طيب ازاى مقدرش يعمل كل ده ؟؟؟

هو ده الفرق بين الهيمنه والقوه :اميركا قويه لكن هيمنتها تتناقص وتتآكل بسرعه طيب ازاى وليه ؟؟؟ : == اولا الهيمنه اول شئ قوتها من قوة هيمنة الاقتصاد بالتالى اقتصاد اميركا مازال قوى لكن هيمنتها تراجعت بقوه وكتر خيرهم بايدن وترامب جابوا ضرفها حرفيا 

= بايدن بعقوبات روسيا الجنونيه اللى اثرت على العالم كله وبدا بعدها كل دول العالم تتجنب الدولار وتحاربه = وترامب برسومه الجمركيه كمل على اميركا ودمرها = بس ترامب خدم العالم كله اكتر عشان جنونه هدم المعبد الاميركى على رؤوس اميركا وحلفائها بأخطاؤه وتصريحاته غير المحسوبه وعدائه للحلفاء قبل الاعداء لدرجة محدش واقف معاه خالص …كده فهمنا الفرق بين القوه والهيمنه وطبعا هنكرر تاتى ..الصين وروسيا اسوأ كثيرا من الغرب ومينفعش نغير هيمنه وبلطجه بهيمنه وبلطجه من دوله تانى…لذلك محدش عايز سقوط تام لاميركا عايزين اتزان واقطاب كتير متنوعه وقتها اميركا مش هتقدر من الاساس تفرض عقوبات إقتصاديه ولا الصين تقدر ولا روسيا ولا الاتحاد الأوروبي لان اى دوله هيتفرض عليها عقوبات مش هتتأثر لان اصبح فى مليون بديل (( وده اللى عملته الصين وروسيا والهند اخيرا )) إرجعوا للتقرير الأخير من يومين وراجعوا كويس فقرة ليه الرئيس السيسى محضرش ولا رئيس الوزراء المصرى احتفال الصين بالانتصار على اليابان ؟؟؟ترامب اليوم اعلن اقراره بالعالم الجديد متعدد

الاقطاب وقال أخطر تصريح يعترف بيه بالحقيقه الجديده (( ودى سقطه كبيره جدا جدا جدا بل كارثه هذا التصريح)) ==قال ترامب حرفيا لقد أخطأنا وفقدنا الهند وروسيا لصالح الصين (( العميقه ))كده حرفيا الصين العميقه == اخطأنا بصيغة الجمع يقر عن نفسه ومن سبقوه == الصين العميقه لان قلنا هدف الصين السيطره والهيمنه على العالم اقتصاديا (( وحطوا موضوع الهيمنه اساسها اقتصادى )) سياسى وعسكرى يأتى دايما بعد الاقتصادى(( عشان كده بنقول قوة مصر تبعد عن الحروب ونفضل نبنى ونطور وننمى فى بلدنا طول الوقت بلا كلل او توقف ومهما كانت الظروف صعبه)) ليه ترامب حسب الهند كده ؟؟مبدئيا متستهونوش بتصريح ترامب دى تصريحات رسميه معناها يتم وضع الهند من خانة الأصدقاء/المحايدين الى خانة اعداء دولة اميركا زى روسيا وكوريا الشماليه وغيرهم كتير 

(( كل ده لان حضور رئيس وزراء الهند رسميا ودبلوماسيا اتصنفت انضمام للهند فى حلف روسيا والصين وكوريا الشماليه وايران وبيلاروسيا وكل الدول اللى حضر رؤسائها ورؤساء حكوماتها )) تكسب مصر (( العميقه )) وبإمتياز : == بذمتكم فى حد لفت نظركم ليه محضرش الريس وليه مبعتش رئيس الوزراء وبعت نائب رئيس الوزراء فقط رغم ان الرئيس حضر بنفسه فى روسيا ؟؟؟عودوا نفسكم تقريرنا بياخد وقت اعداد كبير عشان الاوضاع وتسارعها وتعقيدها دوليا اصبح محتاج اننا نفهمكم بدقه نقاط محدده وواضحه وبعدها بيوم ولا اتنين بس نرجع نقول شوفتوا النتيجه امام اعينكم (( عشان ميبقاش كلام مرسل وخلاص عمرنا ماعملناه ولا هنعمله ))

لازم  تتفرج على الخبر بعين وتفكير مختلف جذريا عن اى حد تانى كل الناس هتشوف الخبر بشكل وانتوا هتشوفوا ماوراء الخبر وانتوا مطمنين مبتسمين والاهم مليون مره (( وأنتوا فاهمين )) ده إسمه تحصين الوعى الجمعى والتحصين ضد التلاعب والسيطره الذهنيه (( ودى رسالتنا ))من سبع سنوات والله المستعان.وده اهم سلاح ضد حروب الاجيال الحديثه بكل اشكالها.====ليه مصر فازت وكانت سقطه كبيره للهند ولكن تأكدوا الهند بسرعه هتعدلها؟؟؟== مصر كيان مستقل قائم بذاته وده اللى بيخوف كل اعدائها

== الصين روسيا الشرق والغرب جنوب شمال يهمهم مصر دوله متزنه قويه مستقره موقع جغرافي الاهم عالميا قناة السويس سيطره وثقه هائله افريقيا وبوابة على الجميع 

(( ليه نتنازل عن ده كله ونتحسب على معسكر واحد شرق او غرب ؟؟؟؟))== محدش يستهون بالتصنيفات دى لو اتصنفنا شرق مستحيل المانيا او ايطاليا او فرنسا هتدينا اسلحه وكمان تنقل تكنولوجيا ده عدوا كمان المرحله دى وسلمونا تكنولوجيا تسليح عالية مستوى السريه لانتاج فرقاطات ومدمرات واجزاء للرافال والاحدث تعديلات للرافال

طيب نقول كمان وده اعلن رسميا من روسيا نقل تكنولوجيا شبحيه من الصين وكمان غيرها من الدول (( كل ماسبق ميقدرش رئيس دوله او حكومه يعمله))لازم موافقة برلمان

ومؤسسات امن قومى وثقه مطلقه فى الدوله دى ومؤسساتها السياديه وقيادتها السياسيه

ولو اتصنفت مصر معسكر بوتين والصين خط احمر مع الغرب  كله اصبحنا فى خانة الاعداء 

اذا يا اصدقاء  كل حاجه تتقاس بالعقل والاتزان: = دايما نركز ونحط مليون خط على الاتزان = نفرح اما روسيا تفوز وتقف لأميركا

= نفرح ان الصين متقعش ولاتنهار= نفرح ان الهند تكون قويه وتقدر تصمد امام اميركا

= نفرح ان اوروبا تختلف مع اميركا حتى لو قليلا

= نفرح لقوة بريكس وصموده = نفرح ان ايران متسقطش وتفضل نقطة قوه فى المنطقه

= نفرح ان تركيا متسقطش وتفضل نقطة قوه فى المنطقه= من اهم مايكون دول الخليج تفضل مستقره ميحصلش فيها اى فوضى او خراب= يهمنا تستقر السودان وليبيا 

= يهمنا تقف حرب غزه (( دون تهجير )) وتنسحب إسرائيل  مهما كان قطاع غزه مدمر

ونكون كسبنا فرصه ذهبيه حرب نتنياهو دمرت وانهكت إسرائيل عسكريا هتفضل عشر سنين تعوض عسكريا فقط والاهم دولة إسرائيل رجعت ثلاثين عام للخلف ان مكنش اكتر واصبح شعبها بيهرب منها مش يهود بيهاجروا ليها ===ده اللى يهمنا مصر كدوله وشعب.

تركيزنا ان العالم يتزن مفيش حد يهيمن على العالم خصوصا اقتصاديا (( تلقائيا مش هتكون فى هيمنه عسكربا))بعيدا عن هرى غير المتخصصين تحويل ترامب اسم الجيش لوزارة الحرب بدلا من وزارة الدفاع تصريح سياسى ردا على ان بوتين وكيم رئيس كوريا الشماليه ضيوف رئيسيه لعرض الصين العسكرى لان عمليا اميركا بتقوم بالهجوم وإثارة الحروب والدخول فى الحروب ونقل الحروب حول العالم واشعالها والاشتراك فيها 

اذا تغيير الاسم سياسى وليس عملى 

ومعتقدش الاسم فرق اما احتلوا العراق او أفغانستان او سوريا او غيرها (( ومش هيقدروا يعلنوا حرب على اى حد ))حتى الحوثيين تورطوا معهم وتراجعوا بسرعه عن مستنقع اليمن منفردين بعد فشلهم ….اذا أمور مصر مستقره وسياساتها واعيه وهنقول ونكرر كل يوم  اطمنوا واقروا التصريحات واى هيصه تحصل بشكل سليم ومصر طبعا مش هتتحسب على اى طرف احنا ببساطه يااصدقائى عايزين نكسب ونشتغل مع كل العالم === طبعا كالمعتاد هننصحكم عشان صحتكم النفسيه عناوين الحقوا والحرب والتهجير وياشعب مصر احنا بنقول كل ده طاقه سلبيه بتستهلك منك ومن صحتك ونفسيتك متواصل كل يوم : == ومع كل الاحترام لوجهات النظر بتاعة الحشد وتأهيل الناس وكل الكلام المحترم جدا ده مش هيحصل اننا نقوله لأننا عسكريين ومؤهلين علميا لأبعد حد ممكن حد يتخيله فى نوعية الحروب الحديثه الغير نمطيه التى تتم الآن 

النصر لمصر هى صحة شعبها نفسيا وذهنيا

ولما نكون منهكين نفسيا بسبب ضغوط الحياه والضغط الاقتصادى الهائل على كل واحد من الشعب المصرى معناها بكل بساطه بطارية كل واحد فينا على الاقل مستهلكه نفسيا بنسبة خمسين فى الميه على الاقل(( مسئوليات بيت عمل اولاد مشاكل حياه غلاء اسعار أعباء اقتصاديه وغيرها بنود كتير ))مش هنيجى ندمر الخمسين فى الميه الباقين فى البطاريه هم ونكد وغم وكلام كل يوم متواصل من حرب ليبيا الى حرب السودان الى حرب غزه طول الوقت مصر هتحارب الحقوا مصر هتحارب الحقوا مصر هتحارب (( طيب حتى للمصداقية هاتوا واحد من اللى بيقولوا كده يكون ضابط جيش )) حتى يكون فى واقعيه علميه ونفسيه اما يقول كلمة حرب نصدقه لانه علميا وعمليا فاهم يعنى ايه حرب == وهنقول كمان فى جيش وقياده سياسيه ومؤسسات سياديه ده شغلها ياشعب مصر العظيم ودى مسئوليتها يا اصدقائنا الغاليين == والشعب المصرى كله هيكون معاهم ووراهم لو احتاجوه فى ثانيه واحده بالملايين(( تطين عيشتك ليه وتشيل الهم ليه بس؟؟؟)) اطمنوا بإذن الله كل خير والعالم كله بيتشكل ويتحرك بسرعه للأفضل باذن الله والاهم بلدنا ربنا يحفظها قويه مستقره آمنه (( اى مشاكل تانى عندنا جوه هتتحل هتتحل وهتتصلح هتتصلح بإذن الله ))

وللمرة المليون زى ما قلنا من اول السنة (( اللى مصر عايزاه ح يتعمل )) بس نستمر نحمد ربنا ….. وإذكروا الله كثيرا لعلكم تفلحون.