ياخسارة بجاتو ابو شمس 🇪🇬

 

ياخسارة

بقلم بجاتو ابو شمس  🇪🇬

بقي دي كلمة شكرا منكم

وانا اللي ضحيت كتير عشانكم

خدت من صحتى وتعبت واديتكم

لجل ماتعيشوا دايما مبسوطين

دلوقتي رحتوا فين

ولادي دول اللي شقيت عليهم 

واجي علي نفسى عشان اراضيهم

المفروض اما احتاجهم الاقيهم

سابونى لوحدى عايش حزين

جبتوا القساوة دي منين

يعني ايه الدنيا دايما لاهياهم 

هو انا خلاص مش فارق معاهم

كنت اقدر اسيبهم من زمان وانساهم

بس عملت اللي عليا وزيادة حبتين

شاهدين

ياناس عيالي اللي المفروض عكازي

ربيت ضحيت وكله جيه ع الفاضى 

هو انا بقيت ليكم ذكرى وماضى

مش مسامحكم ليوم الدين