اللواء اشرف حماد يبدع بنت الاصول حصريا ديلي جراف

 

بنت الاصول

هى الى تعيش مع جوزها علي الحلوه والمره الى لو الدنيا جت عليه يلاقيها حيطه فى ظهره سنداه

 بيتها ده مملكتها بابه مش باب شقه ده باب بير غاويط ملوش ارار يتقفل الباب عليهم محدش يعرف عنهم حاجه لا من اهلها ولا من اهله .

لو اهلها او اهله فى اى وقت طبوا عليهم يلاقوا البيت مفتوح والخير موجود ويتشالوا من على الارض شيل حتى لو جوزها مادياته مش تمام لايمكن اهلها او اهله حيشعروا بده لئن الخير من عند الله والشاطره بتغزل برجل حمار.اما البركه فمن صنع الرحمن

 لوالحياه مزنقه وجوزها ممعوش فهى بتحابى علي بيتها وعلى جوزها .

وزيره ماليه اخر شطاره مفيش كلام بتعرف تدبق وتعرف توفر لو الزوج سايب فلوس فى البيت كتير اوسايب فلوس قليل البيت كده ماشى وكده ماشى محدش حيحس بالتقصير ديما شاكره ربها وراضيه

 اولادها ديما علي سنجه عشره بيتها ديما بيشف ويرف .

بنت الاصول هي الى بتربى الولاد وهى الى بتعلمهم الصله بربنا وهى الى بتعلم الصلاه والصوم دا هى الى بتزرع وتغرس اساس الولاد  وهى الى بتابع مدراسهم وهى الى حاميه البيت مهى راجل البيت والزوج بره

اما والزوج فى البيت هى الست والزوجه والحبيبه 

اما لاولادها فهى الام والشيخ والاستاذ.

بنت الاصول بتعرف تحابى على بيتها وبتعرف تحابى على جوزها وعامله زى صمام الامان بتصلح ورا الكل وتلم ورا الكل من الزوج للولاد عشان كده بيتعمل لها الف حساب وجوزها ديما حاسس بقيمتها وحاسس انها عطيه من ربنا له وللولاد 

سيبك انت بنات الاصول رزق والزوجه الصالحه هديه من عند الرحمن ..