اللواء سامي دنيا يكتب حقيقة الاوهام 🇪🇬

 

حديث متواصل عن الحرب ماهى الحقيقه وماهى الاوهام

حديث يطاردنى فى كل مكان ومن كل المتابعين ومن العامة ومن النخبة ماذا نفعل الحرب الحرب الحرب فلابد من الرد على الجميع :قلنا بوضوح سلامتك النفسيه تساوى صحتك تساوى تماسك الجبهه الداخليه تساوى صلابه ان قامت حرب هتكون قوى ومفيد وتنتصر بلدك باذن الله يقينا بلاجدال

طيب ولو مدمر نفسيا وطاقه سلبيه وكل يوم هنحارب لينا سنين من الفين وحداشر بنتكلم فى ده وبعدها دخلنا على حرب حرفيا فى الارهاب سنين طويله منها دخلنا على توترات وتوقعات حرب فى ليبيا بعدها توترات شرق المتوسط مع تركيا بعدها حرب محدوده بين حماس وإسرائيل فى غزه مصر وقفتها وبدأت إعادة الاعمار بعدها حرب السودان وتدفق ملايين على حدودنا غير ملايين عندنا بعدها سنتين حرب غزه وفى وسط كل ده كان وباء كورونا وبعدها حرب أوكرانيا ومعاهم ازمه اقتصاديه هائله وتحرير سعر صرف وحرب دولار ومازلنا فى غلاء اسعار هائل ومطحونين حرفيا (( كل ده بيفرم الشعب المصرى وصحته النفسيه )) تعالى بعد كل ده كل يوم اطلع اقلك خلاص هتبدأ الحرب يالا هنحارب دى هتكون معركه هائله دى إسرائيل مش وحدها (( والحقيقه كل تحرك بسيط بتعمله مصر فى سيناء بيحصل تبول لا ارادي لإسرائيل وجيشها وشعبها وتستنجد)) ركز فى حياتك ومسئولياتك وقوم بواجباتك وكده كتر خيرك مليون مره

ثقه كامله فى قيادتك السياسيه وجيشك ومؤسساتك السياديه وقبل كل دول يقين كامل فى ربنا سبحانه وتعالى اننا شرفاء ومحترمين واكتر من نصر المظلومين على مدار التاريخ ووقف معاهم ومنهم الفلسطينيين وقضيتهم 

قيادتك ومؤسساتك وجيشك هم المنوط بهم رصد كل مايدور ويهم الامن القومى لمصر دولة وشعبا وبالتالى هما شايلين الهم ده عنك وهما اللى هياخدوا القرار المناسب مش الفيس بوك واليوتيوب والشعب المصرى قوى ومحترم ووطني ووقت ماجيشه وبلده تحتاجه موجود وجاهز بلاتردد او تأخير وبالملايين ومحدش هيقدر علينا ايا كان ….الأمن القومى والعلاقات بين الدول ودخول حرب لايوجد ابدا مجال فيها للعواطف ايا كانت او ان يكون القرار انفعالي او مش مدروس : كلنا طبيعى نزعل على اللى بيحصل للفلسطينيين ونتأثر بالمأساه

لكن اللى يجى ياخد قرار وراه مائه وعشرين مليون مصرى فى رقبته == مش هيفكر بالعواطف == هيحط فى اعتباره انقسام الفلسطينيين انفسهم== هيحط فى اعتباره اساس المأساه قرار لحماس لم تبلغ مصر ولم تنسق معها (( مينفعش انت تقوم بمغامره تمنها شعبك ومصر تشيل نتايج ويكون تمنها شعب مصر ))== لازم يحط فى الاعتبار عدم حدوث عداء صريح على ذرة رمل مصريه حتى الآن ==== مليون اعتبار يتحط وحسابات دقيقه لكل خطوه وكل شئ (( وده جاهز وبيتم تحديثه اولا بأول ))اذا انت تكون عاطفى ده طبيعى مش غلط واحنا وضحنا بدقه من وراء المأساه وماهى اهداف الصهيونيه العالميه واتباعها واذنابها واميركا ومخططاتها وكلنا اصبحنا فاهمين ….هنقول تانى مصر معركتها واضحه وهى معركة وقت وده اكبر تحدى لاميركا وإسرائيل دوله وجيش وشعب ومصر مستعده نعم لانريد حرب تعطلنا وتأخرنا ولكن لو فرضت ستكون مصر لها : دون اوهام تساق غير علميه او عسكريه عن سحق مصر إسرائيل فورا وتدميرها تماما لان ده غير علمى ومش حقيقى او ان إسرائيل مش هتقدر توجه اى ضربات لمصر لان كل طائراتها هتسقط فورا

وده برضوا مش هيحصل وغير حقيقى 

اى حرب ليها جولات هتتم واى طرفين فى حرب هيواجهوا خساير لكن الأهم مين اللى هيتحمل الخسائر ومين مش هيقدر يتحملها

ده اللى لازم نفهمه ونعرفه ونستوعبه احنا بنقول هتكون حرب مدمره على إسرائيل ولن تقدر عليها بالعلم والمقارنه مع ضربات ايران المحدوده وهزيمة إسرائيل …وانهيار جيشها وكعبلتها فى مدينه صغيره جدا فى غزه 

وحسابات وقياسات اخرى لجبهتها الداخليه 

 === اذا هدوا اعصابكم واستمتعوا باعتراف دول كثيره بدولة فلسطين على رأسهم مؤسستها بريطانيا وضد اميركا وإسرائيل

وخدوا الأمور خطوه خطوه بهدوء 

لأن بإذن الله خير جدا فحافظوا على صحتكم النفسيه ….حفظ الله مصر وشعبها وقائدها بخير وتقدم وأمان….. ونستمر نحمد ربنا …. وإذكروا الله كثيرا لعلكم تفلحون.